DKT. ALI MOHAMMED SHEIN ASHINDA URAIS WA ZANZIBARKWA ASILIMIA 91.4, NI USHINDI MKUBWA KATIKA HISTORIA YA ZANZIBAR MIAKA YA KARIBUNI

DKT. ALI MOHAMMED SHEIN ASHINDA URAIS WA ZANZIBARKWA ASILIMIA 91.4, NI USHINDI MKUBWA KATIKA HISTORIA YA ZANZIBAR MIAKA YA KARIBUNI

Dkt. Ali Mohammed Shein (pichani), ametangazwa leo Machi 21, 2016, kuwa ameshinda uchaguzi wa marudio wa Zanzibar kwa asilimia 91.4, ushindi ambao umeelezwa kuwa ni mkubwa kwa kiongozi wa Zanzibar usinda katika miaka ya hivi karibuni.

Hata hivyo Dkt. Shein amepata ushindi huo katika mazingira ambayo, chama kikuu cha upinzani visiwani humo yaani CUF, kiliususia uchaguzi huo kwa maelezo kuwa uchaguzi wa marudio si wa haki kwa vile uchaguzi ulikwishafanyika Oktoba 25, 2015 ambapo chama hicho kilielekea kushinda. Hata hivyo mwenyekiti wa Tume ya Uchaguzi Zanzibar, (ZEC), Jecha Slim Jecha, aliufuta uchaguzi huo kwa maelezo kuwa ulijawa na ghiliba na haukuwa huru na wa haki.

Dkt. Shein akisalimiana na Hamad Rashid

Kwa mujibu wa matangazo ya leo ya matokeo ya uchaguzi huo, Dkt. Shein amekusanya jumla ya kura 299,982 huku anayemfuatia, Hamad Rshid Mohammed, amejipatia kura 9,734 sawa na asilimia 3.4, huku Maalim Seif Sharif Hamad, ambaye chama chake hakikushiriki uchaguzi huo amepata kura 6076 sawa na asilimia 1.9.

Hamad Rashid Mohammed wa ADC

Kwa mujibu wa katiba ya Zanzibar, chama kinachofuatia kile kilichoshinda, ndicho kitatoa makamu wa kwanza wa rais.

 Dkt. Ali Mohammed Shein, rais mteule wa Zanzibar, akionyesha cheti chake cha ushindi mara baada ya kutangazwa na mwenyekiti wa Tume ya Uchaguzi Zanzibar, Jecha Sa,im Jecha kwenye ukumbi wa Salama wa Hoteli ya Bwawani mjini Unguja Machi 21, 2016.

 Mwenyekiti Jecha akitangaza matokeo

Aliyeshika nafasi ya pili kwenye matokeo ya uchaguzi wa Zanzibar, Hamad Rashid akitoa hotuba yake