WANAWAKE WAUNGANA KUSHEREHEKEA SIKU YA WANAWAKE DUNIANI KATIKA VIWANJA VYA MWEMBE YANGA DAR ES SALAAM

 Mkurugenzi wa IBRA Contractors na Rais wa Sauti ya Wanawake Wajasiriamali Tanzania (VoWET), Maida Waziri akizungumza katika Maadhimisho ya Siku ya Wanawake Duniani yaliyofanyika viwanja vya Mwembe Yanga Dar es Salaam leo kabla ya Mgeni rasmi kuzungumza

 Wanakikundi cha Vicoba Endelevu wakiwa wamesimama na bango lao katika kuadhimisha siku ya Wanawake Duniani

 Mkurugenzi wa IBRA Contractors na Rais wa Sauti ya Wanawake Wajasiriamali Tanzania (VoWET), Maida Waziri aliyebebwa na baadhi ya wanawake waliojawa na furaha baada ya kuelezea historia yake ya mafanikio iliyowasisimua wengi katika uwanja wa Mwembe Yanga Jijini Dar es Salaam kwenye Maadhimisho ya Siku ya Mwanamke Duniani

 Mkurugenzi wa IBRA Contractors na Rais wa Sauti ya Wanawake Wajasiriamali Tanzania (VoWET), Maida Waziri aliyebebwa na baadhi ya wanawake waliojawa na furaha baada ya kuelezea historia yake ya mafanikio iliyowasisimua wengi katika uwanja wa Mwembe Yanga Jijini Dar es Salaam kwenye Maadhimisho ya Siku ya Mwanamke Duniani

 Mkuu wa Wilaya ya Temeke, Felix Lyaniva akizungumza katika Maadhimisho Dar es Salaam leo kwa niaba ya Mkuu wa Mkoa wa Dar es Salaam, Paul Makonda

 Mwanahabari wa Mtembezi Blog akiwajibika

 Akina mama katika muonekano pichani wakifatilia kwa umakini wakiwa na bango lenye ujumbe maalumu

 Mwanahabari akidadisi jambo kwa Mkurugenzi wa Kampuni ya Farijika Production, Nipael Kamwava inayo jishughulisha na utengenezaji na uuzaji wa dawa mbalimbali za asili za Binadamu

 Baadhi ya wafanyakazi wa Chuo Kikuu cha Afya na Sayansi Shirikishi Muhimbili (MUHAS), wakiwa katika picha ya pamoja katika Maadhimisho ya Wanawake Duniania

 Baadhi ya wafanyakazi wanawake Wizara ya Ulinzi na Jeshi  la Kujenga Taifa wakipita mbele ya jukwaa kuu wakati wa kusherehekea siku ya Wanawake Duniani kwenye viwanja vya Mwembe Yanga Wilaya ya Temeke Jijini Dar es Salaam, Machi 8, 2018.

 Mwenyekiti wa Kamati ya Wanawake Wizara ya Ulinzi na Jeshi  la Kujenga Taifa, Salma Omary akizungumza na wanahabari wakati wa Maadhimisho hayo alisema, katika kuondoa changamoyo zinazo jitokeza katika kutatua maswala mbalimbali, inahitaji sana ushirikiano wa wanawake wenyewe kwa wenyewe na kujitabua kwamba wao ni akinanani ili waweze kuondoa hizo changamoto kwa kukaa pamoja na kujadili kwa pamoja na ndipo kunaweza kupatikana mafanikio, pia akitowa wito kwa akinamama wote kwa kujiamini, wasikate tamaa na mahali amapo pana utata anachangamoyo nyingi za kutosha asisite kuwaona wanawake wenzake kama, jumuiya za wanawake sehemu mbalimbali kama vijijini na mijinina akasema kama sehemu za ibada na anaweza kupeleka changamoto hizo zinaweza kupatiwa ufumuzi na hata kwa mawazo kuliko kujifungia ndani na hatimaye kukata tamaa 

Mkurugenzi wa Cliniki ya Tiba wa Kituo cha Jikwamue Asili Production, Hamisi Haruna (kushoto) akitowa maelezo kwa Mkuu wa Wilaya ya Temeke wakati wa Maadhimisho ya Siku ya Wanawake Duniani  yaliyofanyika katika viwanja vya Mwembe Yanga Dar es Salaam leo wakati alipomwakilisha Mkuu wa Mkoa wa Dar es Salaam,  Paul Makonda (PICHA ZOTE NA KHAMISI MUSSA)

Mkuu wa Wilaya ya Temeke, Felix Lyaniva amevitaka vikundi vya VICOBA kujisajili mapema iwezekanavyo ili vikundi hivyo viweze kutambulika na kupata uwezeshaji kiuchumi.

Akizungumza Jijini Dar es Salaam katika maadhimisho ya siku ya Wanawake Duniani kwa niaba ya Mkuu wa Mkoa wa Dar es Salaam, Paul Makonda, Mkuu wa Wilaya, Lyaniva ameeleza kuwa vikundi vya VIKOBA vilivyopo ni takribani 2748 lakini kati ya hivyo vilivyosajiliwa na kutambulika ni 746, hivyo vikundi 2200 havijasajiliwa, hivyo ni vyema vikasajiliwa haraka iwezekanavyo ili viweze kupata fursa hiyo adhimu ya uwezeshaji kiuchumi.

Lyaniva ameeleza kuwa Machi 20 mwaka huu kutakuwa na jukwaa la uwezeshaji wanawake katika uwanja wa Mnazi Mmoja ambapo mgeni rasmi atakuwa Makamu wa Rais Samia Suluhu hivyo ni vyema wakajisajili mapema wapate fursa hiyo,

 pia amewaagiza Shirika la Viwanda Vidogo (SIDO) na Mamlaka ya Elimu na Mafunzo ya Ufundi Stadi (VETA) kuandaa programju ya mafunzo kwa wanawake ambayo itakuwa na tija ya kuwaelimisha na baadae wataweza kujiajiri, hivyo programu hiyo iwasilishwe kwa Mkuu wa Mkoa ndani ya mwezi mmoja.

Kwa upande wake Mkurugenzi wa IBRA Contractors na Rais wa Sauti ya Wanawake Wajasiriamali Tanzania (VoWET), Maida Waziri amewataka wanawake nchini kujituma na kuwa wabunifu katika biashara zao jambo litakalo wapelekea kufanikiwa, huku akisisitiza elimu na mtaji siyo chanzo cha kukata tamaa bali kufanya kazi kwa bidii na kutumia taarifa sahihi zitakazo wapelekea kufanikiwa kama ilivyokuwa kwake,

 ambaye amefikia hatua ya kupewa tuzo na Rais Mstaafu Jakaya Kikwetu kwa kuwa Mkandarasi bora 2011-2015.

Siku ya Wanawake Duniani husherekewa Machi 8 kila mwaka, ambapo kitaifa imesherekewa Mkoani Singida na mgeni Rasmi alikuwa Waziri wa Afya, Maendeleo ya Jamii, Jinsia, Wazee na Watoto Ummy Mwalimu, huku kauli mbiu ikiwa Tanzania ya Viwanda Mwanamke ni Msingi wa Mabadiliko ya Kiuchumi.