.

ZFDA YATEKETEZA TANI 24 ZA BIDHAA ZISIZOFAA KWA MATUMIZI YA BINADAMU

Mar 31, 2018

Na Faki Mjaka-Maelezo Zanzibar 31.03.2018
Wakala wa Chakula, Dawa na Vipodozi Zanzibar ZFDA umeteketeza Tani 24.5 za bidhaa mbali mbali ambazo zimebainika kuwa hazifai kwa matumizi ya binadamu.
Zoezi la uteteketaji limefanyika Kibele Wilaya Kusini na kusimamiwa na Wadau mbalimbali ikiwemo, Maafisa kutoka ZFDA, Wadau wa mazingira pamoja na Jeshi la Polisi ili kuhakikisha linateketelezwa kama ilivyopangwa.
Akizungumza na Wanahabari Msimamizi wa zoezi hilo kutoka ZFDA Aisha Suleiman amezitaja Bidhaa hizo kuwa ni pamoja na Mchele, Dawa za kuulia wadudu, Sabuni, Mafuta na Vipodozi ambazo zimebainika kutokana na zoezi la ukaguzi lililoendeshwa Bandarini, katika Maghala na Maduka tofauti.
Amesema Bidhaa hizo zilikuwa mali ya Wafanyabiashara na Kampuni tofauti hapa nchini.  
Aisha amefahamisha kuwa Mchele Tani mbili ulibanika Bandarini kuwa umeharibika kutonana na kuingia maji wakati wa kusafirishwa kuja Zanzibar.
Bidhaa zingine zilibainika katika maghala ambapo kwa mujibu wa Sheria Wafanyabiashara wa bidhaa hizo hulazimika kulipia gharama za kuteketeza bidhaa hizo.
Aisha amesema muitikio wa Wafanyabiashara kuingiza Biashara halali kwa matumizi ya binadamu ni wa kuridhisha ikilinganishwa na siku za nyuma.
Hii inatokana na ZFDA kuongeza kasi ya ukaguzi na utolewaji wa elimu na taarifa mbalimbali kwa wafanyabiashara na Wananchi wa ujumla.     
Amesema kwa sasa hali inaendelea vyema ambapo miaka ya 2007-8 ZFDA ilikuwa ikiteketeza zaidi ya Tani 100 ambazo zilikuwa hazifai kwa matumizi ya binadamu.
Hivyo amewataka Wananchi kutoa mashirikiano kwa ZFDA ikiwemo kutoa taarifa za bidhaa watakazozibaini zimepitwa na wakati kwa taasisi hiyo.
Kwa upande wake Mkaguzi wa dawa na vipodozi Mohamed Hassan Mohamed amesema miongoni mwa Vipodozi vilivyoteketezwa ni vile vilivyoisha muda wake wa matumizi na vile ambavyo haviruhusiwi kuingizwa Zanzibar maarufu kama Vipodozi haramu.
Amewataka wananchi kujenga mazoea ya kuzichunguza vyema bidhaa wanazonunua ili kujua muda wa kutengenezwa kwake na muda wa mwisho wa matumizi.
Aidha Mohamed ametoa wito kwa Wafanyabiashara kuwa karibu na ZFDA ili kujua baishara gani inafaa kuingizwa na ipi haifai kwa maslahi mapana ya Wananchi na Taifa kwa ujumla.
Wakala wa Chakula, Dawa na Vipodozi Zanzibar ina jukumu la kusimamia udhibiti wa bidhaa za chakula, Dawa, na Vipodozi ambapo miongoni mwa kazi zake ni kuhakikisha kuwa bidhaa hizo zinazozalishwa nchini au nje ya nchi zinakuwa salama kwa matumizi ya binadamu

HABARI NJEMA KUHUSU BOMBARDIER ILIYOKUWA INASHIKILIWA CANADA

Mar 30, 2018

MAGAZETI YOTE YA LEO IJUMAA, MACHI 30, 2018

Mdau asante kwa kuperuzi magazeti yote ya leo Ijumaa, Machi 20,2018 katika Blog hii ya theNkoromo Blog. Tunakutakia Ijumaa Kuu njema na Mapumziko mema. Admin

SERIKALI YA ZANZIBAR YAZINDUA UGAWAJI VYANDARUA VYENYE DAWA

Mar 29, 2018



Serikali ya Mapinduzi ya Zanzibar kuzindua ugawaji wa vyandarua vyenye dawa ya muda mrefu 


Wizara ya afya Zanzibar kupitia Kitengo cha kumaliza Malaria katika juhudi zake za kupambana na ugonjwa wa Malaria kinakusudia kutoa vyandarua laki moja na 95 elfu kwa mama wajawazito na watoto waliochini ya miaka mitano nchi nzima . 


Akizungumza na waandishi wa habari mjini Zanzibar juu ya uzinduzi wa Kampeni ya kubwa ya matumizi ya vyandarua ambayo inatarajiwa kufanyika April nne mwaka huu visiwani Zanzibar Meneja wa utaribu wa kazi za kumaliza Malaria Zanzibar Abdallah Suleiman Ali amesema Zanzibar ni miongoni mwa nchi chache za Afrika ambazo zimokatika mchakato wa kumaliza Malaria ambapo kwa sasa ni zaidi ya miaka kumi Zanzibar imekuwa ikipambana na ugonjwa huo . 

Amesema Zanzibar kila kipindi kinachomaliza mvua za masika kumekuwa na kiwango kikubwa ugonjwa Malaria lakini jitihada mbali mbali zinachukuliwa ikiwemo kupiga dawa majumbani, kuhakikisha dawa zinapatikana katika vituo vya afya, na kuwepo kwa vipimo cha kuchunguzia ugonjwa huo na matumizi ya vyandarua vilivyopigwa dawa. 

Amesema vyandarua ndio kinga tahabiti ya kujikinga na Malaria ambapo kwa Zanzibar Asilimia 77 ya Wananchi wanatumia vyandarua kiwango ambacho bado hakijaridhisha kufikia vigenzo vya wizara ya afya zanizbar ya Asilimia 100 na shirika la afya ulimwenguni WHO Asilimia 85. 

Hata hivyo Meneja Abdallah amesema kwa sasa licha ya Zanzibar kupunguza maambuzi ya wagonjwa wa Malaria lakini amekiri ugonjwa huo bado upo chini ya Asilimia moja na ambapo vigezo vinavyotumika kuhakikisha Wananchi wanaobainika kuwa na vimelea anafuatiliwa katika familia yake ili kuhakikisha anakuwa salama dhidi ya ugonjwa huo. 

Aidha amesema bado kuna maeneo ambayo yanatoka wagonjwa wengi wanaobainika kuwa na vimelea vya Malaria ikiwemo Wilaya ya Maghariba A na B , Wilaya ya kati na Wilaya ya Micheweni Kisiwani Pemba na kwa wale Wananchi ambao wanatoka Tanzania bara katika mikoa ya Mwanza na Geita. 

Kwa upande wake Waziri Nyoni Meneja Miradi wa VectorWorks amesema watakuwa na kazi ya kuhamasisha Jamii kuhakikisha vyandarua wanavyopatiwa wanavitumia ipasavyo ili kujikinga na ugonjwa na Malaria. 

Kampeini ya kugawa vyandarua vyenye dawa ya muda mrefu umefadhiliwa na Shirika la Misaada la Marekani – USAID kupitia Mfuko wa Raisi wa Marekani wa kudhibiti malaria na kuratibiwa na Serikali ya Mapinduzi ya Zanzibar kupitia Kitengo cha kumaliza Malaria Zanzibar - ZAMEP .





Meneja wa kitengo cha kupambana na Malaria Zanzibar Abdallah Suleiman Ally akiongea na waandishi wa habari leo Zanzibar wakati akitangaza kuanza kugawa vyandarua vyenye dawa ya muda mrefu ikiwa ni juhudi za Serikali ya Mapinduzi ya Zanzibar kuendelea kupambana na ugonjwa wa Malaria chini ya umefadhiliwa na Shirika la Misaada la Marekani – USAID kupitia Mfuko wa Raisi wa Marekani wa kudhibiti malaria.
Meneja Miradi kutoka VectorWorks akiongea na waandishi wa habari leo Zanzibar wakati akitangaza kuanza kugawa vyandarua vyenye dawa ya muda mrefu ikiwa ni juhudi za Serikali ya Mapinduzi ya Zanzibar kuendelea kupambana na ugonjwa wa Malaria chini ya umefadhiliwa na Shirika la Misaada la Marekani – USAID kupitia Mfuko wa Raisi wa Marekani wa kudhibiti

CCM, DIASPORA NA UTANDAWAZI

Na Kangoma Kapinga, Mwenyekiti-CCMUK
CCM ni taasisi kubwa ya siasa na uongozi barani Africa, miongoni mwa chache zilizotokea kwenye ngazi ya siasa za ukombozi hadi wakati  huu wa dunia ya utandawazi.Chama chetu kimehimili misukosuko na changamoto za uongozi za Africa na kuweza kuongoza maendeleo ya kijamii na kiuchumi kwa amani. Na hatimayeTanzania imesimama wima duniani na inahesabika kama moja ya nchi yenye umoja wa kitaifa, amani na utu wa watu. Na sisi raia wake tumebeba umbile hilo popote tunapojitambulisha duniani. Hayo yote hayakuja kwa bahati nasibu bali yalibuniwa na kujengwa na viongozi wetu chini ya Chama cha TANU na hatimaye CCM.

Kazi ya kuijenga Tanzania yenye sifa nilizotaja hapo juu haikuwa rahisi kama wengi wanavyodhani, bali ilitokana na baadhi ya viongozi waliokiasisi chama chetu kuhakikisha kuwa wanaweka dira iliyohakikisha kila mtanzania popote alipo anapata haki za kijamii na kiuchumi. Hayo yalianishwa pia kwenye katiba ya chama cha TANU na kurithiwa na CCM, kuwa binadamu wote ni sawa na kila mmoja anastahili heshima.

Misingi hiyo madhubuti ndiyo iliyosaidia kujenga jamii yetu iliyo sawa na huru na hivyo kuleta urahisi wa kuwa na umoja wa kitaifa wenye kulinda haki ya kila mmoja ya kushiriki katika shughuli za uzalishaji mali bila uonevu wala ubaguzi. Na hata tulipowasha mwenge na kuuweka juu ya mlima Kilimanjaro tulisisitiza yafuatayo, nanukuu: “Tunawasha mwenge na kuuweka juu ya mlima Kilimanjaro ili uangaze nje ya mipaka yetu na kuleta Upendo pale kwenye chuki, matumaini pale kwenye kukata tamaa na heshima pale kwenye udhalilishaji.” 

Makala yangu haina haja ya kurefusha mjadala wa safari ya maendeleo yetu kutoka uhuru hadi sasa, bali nakusudia kujenga hoja itakayodokeza changamoto mpya za kisiasa,kijamii na kiuchumi zinazoongezeka kwa kasi duniani kupitia UTANDAWAZI (Globalisation). Utandawazi ni tendo linaloondoa mipaka  ya kijamii na kiuchumi kutokana na kukua kwa teknolojia ya mawasiliano duniani hivyo kuleta maingiliano ya jamii kirahisi sana na kuondoa vikwazo baina ya nchi mbalimbali pia umejenga jamii pana inayoshabihiana kimaono (Homogeneous society) na hivyo kufanana katika kupata mahitaji mbali mbali. Utandawazi unaifanya jamii kuwa moja duniani kwa maana ya uhuru na kuona fursa za kiuchumi na kuzitafuta ziliko kokote kirahisi zaidi kuliko miaka 40 iliyopita wakati CCM inazaliwa. Lakini pia utandawazi haumuondolei mtu asili yake ya kuzaliwa. Mtanzania ataendelea kuwa hivyo hata kama utandawazi umehamishia baadhi ya maslahi yake kwenda nchi nyingine.

Watanzania wengi walifuata mkondo wa fursa zilizoletwa na utandawazi na kujikuta wapo kwenye nchi mbalimbali duniani. Hivyo walibadili jina lao na kujulikana kama Diaspora. Kwa bahati mbaya sana hilo halikupokelewa vema na sheria za nchi yetu na hivyo wengi wameachwa nyuma na kukosa haki zao za msingi ndani ya nchi yao ya asili ikiwapo Uhuru, heshima na haki mbalimbali za kiuchumi, kijamii na kisiasa nilizoainisha kwenye umbile la utaifa wetu pale juu.

Wana diaspora wengi hawaruhusiwi kumiliki ardhi wala kurithi mali pia hawaruhusiwi kupiga kura kuchagua viongozi wao wa kitaifa hata kwa wale wanaostahili. Nchi nyingi zimeshamaliza tatizo hilo na wananchi wao wanashiriki kupiga kura popote walipo duniani na kutumia haki yao ya msingi ya kuchagua viongozi wa nchi zao.Na pia wameshirikishwa vema kwenye maeneo ya kiuchumi kama kuruhusiwa kumiliki ardhi. Mfano ni India au hata nchi majirani zetu wa Africa. Sisi kwetu imekuwa ni hadithi na ahadi zisizokuwa na mwisho huku watanzania wenzetu wa diaspora na vizazi vyao wakikosa haki zao za msingi bila mtetezi.

Kwanini Tanzania tumesita kutoa haki hizo? Hiyo ni kinyume na misingi na ahadi ya waasisi wetu waliotaka kujenga jamii ya Tanzania iliyo sawa na huru. Hizo kasoro zimeachwa kwa muda mrefu sana bila kutafutiwa ufumbuzi licha ya majadiliano katika majukwaa mbalimbali kati ya viongozi wetu wa kitaifa na wadau wengine tukiwamo viongozi wa jumuiya za diaspora ya Tanzania. Na zimewaacha njia panda Watanzania wa diaspora na wasielewe ni nani hasa mwenye wajibu wa kulinda haki zao wakati huu wa utandawazi? Na je kwanini serikali yao imeendelea kupiga danadana suala la haki za wana diaspora? Je wachukue hatua gani ili kupata haki zao za msingi?

Kwa sasa CCM kama mmiliki wa serikali inayotawala inabaki kuwa kimbilio pekee la wana diaspora ili kuidhibiti serikali na kuisukuma iweze kuchukua hatua za dharura ili kuwarudishia wana diaspora haki zao za msingi. Wana diaspora ni watanzania wanaochangia maendeleo ya nchi kijamii na kiuchumi na pia ni waelewa sana wa sera za CCM na wanathamini maamuzi mbali mbali yanayofanywa na serikali hasa hii awamu ya tano ya kujenga nidhamu ya kazi kwani hilo ni sehemu halisi ya maisha ya wanadiaspora, na pia wanaunga mkono kazi mbalimbali zinazofanyika kwenye maeneo mengi ya kimkakati pamoja na dhamira ya kuendeleza sekta ya viwanda nchini na wanaweza wakatumika sana kama daraja la stadi za kazi (best practices). CCM haina budi kubeba jukumu la kuwarejesha wana diaspora kwenye ramani halisi ya utashi wa nchi yetu, ili waendelee kupeperusha bendera ya Tanzania popote walipo kwa ari kubwa zaidi. CCM hatupaswi kupingana na utandawazi bali tujishirikishe nao kwa faida pana za kijamii na kichumi.  

Mwenyekiti wa chama chetu Jemedari Dr JP Magufuli  amejizolea sifa nzuri sana miongoni mwa wanadiaspora kwa kazi kubwa aliyoianza ya kukirejesha chama na serikali kwenye misingi yake halisi, Na wanaamini pia atatumia fursa adimu atakayopata kuliangalia hilo kwa faida pana ya diaspora yetu na umuhimu wake kwa kuwashirikisha katika mageuzi anayofanya, diaspora inaweza kutumika vizuri kama sehemu ya kuongeza mitaji kwenye miradi mikubwa kama ya umeme mfano wa wenzetu Ethiopia (Grand Ethiopian renaissance dam) na wanaamini kuwa sasa ni wakati muafaka wa kurudisha haki za wana diaspora bila kigugumizi cha kuingiza siasa au hisia kali zenye chembechembe zinazoweza kuleta chuki kwa chama chetu na serikali kwa ujumla.
Kidumu chama cha mapinduzi
Kangoma Kapinga
Mwenyekiti-CCMUK.
ยช