RAHA YA UBINGWA WA SIMBA YASUBIRI MGONGO WA YANGA LEO

Mpambano wa Simba na Yanga utakaotimua vumbi leo kwenye Uwanja wa Taifa jijini Dar es Salaam, ndiyo habari kubwa katika makutano na vijiwe karibu vyote vinavyowakutanisha mashabiki na waapenzi wa soka la Tanzania.
     Licha ya kwamba Yanga iliyokuwa Bingwa wa Soka Tanzania Bara mwaka 2011-2012, inakutana na Simba hii leo ikiwa tayari imeshavuliwa ubingwa lakini ina kibarua cha aina yake kwa sababu haitakuwa heshima kwake kufungwa na Simba  katika mechi hiyo.
     Timu hizo zinakutana ikiwa ni siku ya funga dimba ya michuano ya Ligi Kuu ya Vodacom Tanzania Bara  huku Simba ikiwa tayari imeshatwaa ubingwa  kulingana na matokeo ya mwisho ya Azam na  Mtibwa ambapo Azam waliokuwa wanayemelea ushindi walikubali kipigo cha mabao 2-1.
    Bila Shaka Simba itakuwa na raha ya aina yake kama itaifunga Yanga walao bao moja tu, kwa sababu hali hiyo itanogesha vya kutosha ushindi wake kwa ubingwa wa Soka Tanzania Bara 2012-2013.