.

MAGAZETI YA NJE NA NDANI YA TANZANIA, LEO APRILI 18, 2018

Apr 18, 2018

Mdau wewe ni mtu muhimu sana kuifanya Blog hii kuendelea kukua kwa kishindo. Tunakushukuru sana kwa kuperuzi magazeti ya leo Jumatano, Aprili 18, 2018. Tunakutakia siku njema popote ulipo. Admin

WAZIRI MPINA AWATAKA WAWEKEZAJI WA MACHINJIO YA PUNDA KUPANDISHA BEI

Apr 16, 2018

Waziri wa Mifugo na Uvuvi, Luhaga Mpina(mwenye miwani)  akikagua kiwanda cha  kuchinja  Punda  cha Hua Cheng Limited kilichopo nje kidogo ya mji wa Dodoma  alichokifungua  hivi karibuni leo. (Picha na Jumanne Mnyau)
-----------
Na John Mapepele, Dodoma
Waziri wa Mifugo na Uvuvi, Luhaga Mpina  amewataka wawekezaji wa machinjio ya Punda nchini kupandisha bei ya kununua wanyama hao badala ya sh.200,000 ya sasa kwa punda mmoja ili kudhibiti utoroshaji wa  mifugo  nje ya nchi ambapo inakadiriwa kuwa  zaidi ya  mifugo 10,000 inatoroshwa  mipakani kwa siku kwenda nje ya nchi inakonunuliwa kwa bei ya juu.

Akizungumza  leo  baada ya kufanya ziara ya kushitukiza katika Kiwanda  cha Punda  cha Hua Cheng Limited kilichopo nje kidogo ya mji wa Dodoma  alichokifungua  hivi karibuni, Waziri Mpina alisema bei hiyo  haiendani na gharama halisi ya  ufugaji wa Punda hali 
inayowafanya wafugaji kuwatorosha  mifugo na  kulikosesha taifa mapato makubwa.

Alisema ili punda aweze kufikia hatua ya kuchinjwa inachukua kiasi cha miaka  miwili ambapo  gharama zake za ufugaji  zinakuwa  juu ukilinganisha na bei ya shilingi laki mbili anayouzwa  kwa wenye viwanda vya punda nchini.

Aidha alisema kumekuwa  na  utoroshaji  mkubwa wa  mifugo wanaokadiriwa  kufikia takribani 1,614,035 kwa  mwaka  unaofanyika  kwenye mipaka ya nchi yetu ambapo  takribani shilingi bilioni 32.28 zinapotea kama ushuru na takribani  shilingi bilioni 24.21 zinapotea kutokana  na kodi  ya mapato ambayo ingelipwa  kwa nyama ambayo ingeuzwa  hapo nchini.

Aidha Mpina  ameunda  tume ya wataalam kutoka Wizarani  kwa ajili ya kuja kufanya tathmini kama  kiwanda hicho kimetimiza masharti yote yaliyotolewa na Serikali  baada ya kukifungua  Februari mosi mwaka  huu ambapo alisema  ikibainika  kuwa  kiwanda  hakijakidhi masharti yaliyotolewa na Serikali  kitachukuliwa hatua kali zaidi za kisheria ikiwa ni pamoja na kukifungia  kufanya kazi zake.

Aliyataja baadhi ya masharti  yaliyotolewa na Serikali wakati wa kukifunga kiwanda hicho Julai 2017 kuwa ni pamoja na  kuwa na ranchi  za punda, kuboresha kosaafu  za Punda nchini, kuunda na kuingia mikataba na vikundi vya wafugaji wa Punda na kuwa na Punda  wasiopungua mia tatu katika eneo la kuhifadhia mifugo kabla ya kuchinjwa  ili kuwa kuhakikisha kwamba  mifugo wanaangaliwa  kwa  wiki mbili kabla  ya kuchinjwa  ili wawe  katika ubora  wa kimataifa.

Waziri Mpina alisema uwekezaji wa aina hiyo wa kuongeza thamani ya mazao ya mifugo ni moja ya vipaumbele vya wizara yake kwa sasa ili kuchochea kwa kasi kufanikisha azma ya Tanzania ya viwanda.

Aidha aliwahakikishia  wawekezaji wa  kiwanda hicho kuwa endapo watakuwa wamekamilisha masharti atawapa kibali cha kudumu ambapo pia atawaongezea idadi ya kuchinja Punda   kutoka  punda  20 wa sasa ili  vijana  wengi wapate ajira  na kiwanda kiweze kuchangia zaidi katika  mapato ya Serikali.

Mpina aliwahimiza wawekezaji hao kuhakikisha wanawasaidia  wafugaji katika kuongeza uzalishaji, kupambana  na maradhi, upatikanaji wa maji na malisho kwa mifugo.
Alisema idadi ya punda waliopo nchini ni 520,000 tu hivyo juhudi za makusudi zinahitajika kuongeza uzalishaji.

Naye Mkurugenzi Mkuu wa kiwanda hicho Xun Long Go alimshukuru Waziri Mpina  kwa  kufungua  kiwanda hicho ambapo amesema hadi sasa  kiwanda  kimezalisha  na kuuza  tani 224 za  nyama  ya Punda kwenda nchini China na Vietinam ambapo  pia tani 52 za ngozi ya Punda  ilizalishwa na kuuzwa kuanzi mwezi Februari, 2018.

Alisema kiwanda hicho kimeajiri watanzania 55 ambapo hadi sasa  kina punda 88 katika  maeneo ya Chalinze na Zuzu mkoani Dodoma.

Kaimu Mkurugenzi wa  Uzalishaji Mifugo na Masoko wa Wizara ya Mifugo na Uvuvi, Lucia Chacha  aliutaka   uongozi wa kiwanda hicho kwa kubuni mbinu za kuwasaidia  wafugaji kwa kuwapatia elimu bora zaidi ya ufufaji wa punda ili waweze kuwazalisha kwa  wingi zaidi kuliko ilivyo sasa

Hivi sasa Tanzania ina viwanda viwili tu vya kuchinja na kuuza  nyama ya punda ambavyo ni  kiwanda  cha Punda cha Huacheng Limited kilichopo nje kidogo ya mji wa Dodoma na Kiwanda cha Fang Hua kilichopo Shinyanga ambavyo vyote  vimepewa kibali cha kuchinja Punda 20 kwa siku kila kimoja.

MAKAMU WA RAIS SAMIA SULUHU HASSAN AENDA LEO LONDON KUSHIRIKI MKUTANO WA JUMUIYA YA MADOLA

Apr 15, 2018

TAARIFA KWA VYOMBO VYA HABARI
Mheshimiwa Samia Suluhu Hassan, Makamu wa Rais wa Jamhuri ya Muungano wa Tanzania anaondoka nchini leo kwenda London, Uingereza kushiriki kwenye Mkutano wa Wakuu wa Serikali wa Jumuiya ya Madola (CHOGM) unaotarajiwa kufanyika kuanzia tarehe 16 hadi 20 Aprili, mwaka huu akimwakilisha Rais wa Jamhuri ya Muungano wa Tanzania, Mheshimiwa Dkt. John Pombe Joseph Magufuli.
Mkutano huo ambao Kaulimbiu yake ni “Kuelekea Mustakabali wa Pamoja” utafanyika chini ya Uenyekiti wa Waziri Mkuu wa Uingereza, Mheshimiwa Theresa May na utafunguliwa na Mkuu wa Jumuiya ya Madola, Malkia Elizabeth wa Pili wa Uingereza.
Majadiliano ya Mkutano wa CHOGM 2018 yatajikita kwenye maeneo manne makuu ya kipaumbele ambayo yatajadili namna Jumuiya ya Madola inaweza kufikia mustakabali wenye ustawi zaidi; mustakabali endelevu zaidi; mustakabali wenye haki zaidi; na mustakabali wenye usawa zaidi.
Mijadala katika maeneo hayo ya kipaumbele itahusisha masuala mbalimbali ikiwemo, kukuza zaidi biashara na uwekezaji baina ya nchi za Jumuiya ya Madola kwa manufaa ya nchi wanachama na Jumuiya nzima; kukuza na kuendeleza misingi ya demokrasia; ajenda ya mabadiliko ya tabia nchi na maendeleo endelevu pamoja na masuala ya uhalifu wa kimataifa kama vile ugaidi, uhalifu wa kimtandao na usafirishaji wa binadamu.
Jumuiya ya Madola ilianzishwa mwaka 1949 kupitia Tamko la London ambalo lilikuwa ni matokeo ya Mkutano wa Mawaziri Wakuu wa Nchi za Jumuiya ya Madola.  Jumuiya ya Madola ina wanachama 53 ambapo kati ya hizo, nchi 19 ni za Afrika, 7 ni kutoka Asia, 13 ni kutoka nchi za Carribean na Mabara ya Amerika, 11 ni kutoka eneo la Pacific na nchi 3 ni kutoka Ulaya.
Ujumbe wa Makamu wa Rais unajumuisha Mheshimiwa Dkt. Balozi Augustine Mahiga (Mb.), Waziri wa Mambo ya Nje na Ushirikiano wa Afrika Mashariki pamoja na viongozi wengine waandamizi kutoka Wizara ya Mambo ya Nje na Ushirkiano wa Afrika Mashariki.
Makamu wa Rais na ujumbe wake wanatarajia kurejea nchini Aprili 22, mwaka huu.

Imetolewa na:
Ofisi ya Makamu wa Rais
Dar es salaam
15/4/2018

RAIS DK MAGUFULI AFANYA UTEUZI WA MAJAJI KUMI LEO

MAGAZETI YA NDANI NA NJE YA TANZANIA LEO APRILI 12, 2018

Apr 12, 2018

Mdau asante kwa kuperuzi magazeti ya leo katika Blog hii, wewe ni mtu muhimu sana sana kwa uwepo na ustawi wa Blog hii mahiri, endelea kufanya hivi siku zote, ukiwa na maoni andika hapo chini utupostie nasi tutayasoma na kuyafanyia kazi na kama yatahusu wengi pia tutawafikishia. Tunakutakia siku njema. ADMN
ยช