CCM: HATUNA KINYONGO NA TUME YA KATIBA MPYA

Chama Cha Mapinduzi (CCM) kimesema moja ya misimamo yake kiliyo nayo hadi sasa kuhusu mchakato wa Katiba mpya ni kwamba bado kinaiheshimu na kuwa na imani na Tume ya Katiba mpya na pia kinaahidi kuendelea kutoa uhsirikiano wa mkubwa kama Taasisi kwa tume hiyo. Hayo yamesemwa leo na Katibu wa NEC Itikadi na Uenezi Nape Nnauye (pichani) alipozungumza na waandishi wa habari katika Ukumbi wa Sekretarieti, kwenye Ofisi Ndogo ya Makao Makuu ya CCM, Mtaa wa Lumumba mjini Dar es Salaam.