SHAIRI MWANANA

YARABI MPE UZIMA HASIDI WA MOYO WANGU

 

Yaarabi mpe uzima, atukie kunipenda

kila akinitizama, huku wakiuma vyanda

yarabi mpe uzima, yule hasidi wangu

yarabi mpe uzima, hasidi wa moyo wangu

 

yakale tangu dahare, anijua namjua

nina moyo sina jiwe, hakika alinitesa

nyonda ufanye hima, moyo wangu wateketea

yarabi mpe uzima, hasidi wa moyo wangu

 

hidaya anishushie, hasidi ashuhudie

matozi yammwaike, yungali hali ayaone

haya hatukuoneana, anijua namjua

yarabi mpe uzima, hasidi wa moyo wangu

 

chakula niliona sumu, mapendo yaliniadhibu

mapendo aliyashika, mimi kaniadhibia

naleo nasadiki, kweli hayana dawa

yarabi mpe uzima, hasidi wa moyo wangu

 

takadiri siwezi kuepuka, tasubiri siku itafika

kunihasidi ndo yake kazi, usiku kwa mtana

wema wake wa mshumaa, sasa ateketea

yarabi mpe uzima,hasidi wa moyo wangu

 

yarabi mpe uzima,nimuone mwisho wake

njiani tukipishana,matozi yammwaike

jangili wa moyo wangu,hasidi aso hisani

yarabi mpe uzima, hasidi wa moyo wangu

 

kalamu naweka chini, karima akuangaze

dhulumu ulonitenda, kwako nimeyashiba

kunihusudu wazi, nikuone mwisho wako

yarabi mpe uzima, hasidi wa moyo wangu.

 

Mshairi: Hemed I. Kivuyo