TANZANIA: HAKUNA MAENDELEO BILA NISHATI YA UHAKIKA

Naibu Waziri wa Nishati na Madini, Charles Kitwanga ( Mb), akizungumzia namna Tanzania inavyotekeleza Mkakati wa Nishati Endelevu kwa Wote (SE4All) wakati wa Mkutano wa siku mbili wa Mawaziri wa Sekta ya Nishani, uliofanyika Makao Makuu ya Umoja wa Mataifa, jijini New York, jana, Alhamisi.

Na MwandishiMaalum, New York

Tanzania inaamini kwamba, utekelezaji wa mipango na malengo mbalimbali ya maendeleo hayataweza kupatika au kufikiwa kwa haraka pasipo na uwepo wa nishati endelevu kwa wote.

Ni kutokana na kulitambua hilo, Tanzania imejikita kikamilifu katika kukuza uwezeshaji wa matumizi ya teknolojia za kisasa na mbinu za kuongeza upatikanaji wa huduma za kisasa za nishati ikiwa ni pamoja na kuongeza maradufu kiwango cha uboreshaji na ufanisi wa nishati mbadala ili kuchagiza maendeleo.

Hayo yameelezwa siku jana Alhamisi, na Naibu Waziri wa Nishatina Madini, Mhe. Charles Kitwanga ( Mb), wakati wakizungumza katika siku ya pili ya majadiliano ya mawaziri wanaohusika na sekta ya nishati ambapo kila waziri aliyehudhuria mkutanohuo alipata fursa ya kuelezea na kutoa ahadi ya namna inavyotekeleza mkakati wa nishati endelevu wa wote (SE4All).

Mhe. Kitwanga naujumbe wake unaowashirikisha wataalamum balimbali kutoka Wizara ya Nishati na Madini akiwamo Kaimu Katibu Mkuu, Bw. Ngosi Mwihava wameshiriki kikamilifuka katika mkutano huu ulioitishwa na Katibu Mkuu waUmoja wa Mataifa, Ban Ki Moon, ambapo tangu ulipoanza mapema wiki hii, washiriki wamekuwa wakijadili mada mbalimbali zinazohusiana na masuala ya nishati, uwekezaji na mchango wake katika eneo zima la utekelezaji wa malengo ya maendeleo endelevu.

“ Tanzania inaamini kwamba hakuna ajenda za maendeleo zinazoweza kufikiwa kwa ukamilifu pasipo uwepo wanishati ya uhakika” akasemaNaibu Waziri

Nakuongeza kuwa, mkakati wa nishati endelevu kwa wote ni nyezo muhimu katika kurahisisha ukusanyaji na uwekezaji wa raslimali inayohitajika ili kufika malengo ya kitaifa ya nishati endelevu kwa wote kufikia mwaka 2034 kama inavyoainishwa katika mkakati huo.

Kwa mujibu wa Naibu Waziri, Charles Kitwanga, Tanzania ilipitisha mkakati wa SE4All mwaka 2012 na kufuatiwa na mchakato wa kufanya tathmini ili kubaini mapungufu ambayo yalipelekea kutoa taarifa ya tathmini mwaka 2013

Baada ya tathmini hiyo ilifuatia misaada kutoka SE4All kwaajili ya Afrika iliyosaidia kuandaa rasimu ya Ripoti na nchi ( Country Action Agenda) kwa ufadhili wa Banki ya Maendeleo ya Afrika, (AfDB) na Mfuko wa Umoja wa Mataifa wa Maendeleo ( UNDP).

Kwa mujibu wa Mhe. Kitwanga, taarifa hiyo inatarajiwa kuwasilishwa kwa udhibitisho mwezi Agosti, 2015.

Aidha maandalizi ya Mpango wa Uwezeshaji umeanza na utalenga katika kuangalia mahitaji ya haraka ili kuwezesha mpango huo kuanza kutekelezwa.

Mkutano kuhusu Nishati Endelevu kwa wote (SE4All) umefungwa jana ( Alhamis).

Wataalamu kutoka Wizara ya Nishati na Madini ambao wamefuatana na Naibu Waziri katika mkutano huu muhimu uliojadili kwa kina nafasi na umuhimu wa nishati endelevu kwa wote katika kusukuma mbele malengo ya maendeleo endelevu , ukuaji wa uchumi, maendeleo ya jamii na utunzaji wa mazingira.

Kitwanga akiteta jambo na Mwakilishi wa Bank ya Maendeleo kwaajili ya Afrika AfDB muda mfupi mara baada ya Naibu Waziri kuzungumza , mkutano huu wa SE4All, pamoja na Mawaziri wa sekta husika umewashirikisha pia wadau mbalimbali wakiwamo wakuu wa vyombo vya fedha kama vile Bank ya Dunia, AfDB na wataalamu wengine wakiwamo pia wanamziki maarufu ambao kwa namna moja ama nyingine wamekuwa wakichagiza na kuwekeza katika nishati endelevu.

.Kaimu Katibu Mkuu, Bw. Ngosi Mwihava akiwasilisha Action Agenda of Tanzania kuhusu SE4All katika moja ya mikutano iliyofanyika hapa jijini New York.