SIMBA YAIFUATA AL AHLY SHANDY YA SUDAN LEO

Timu ya Soka ya Simba inaondoka leo saa nane mchana kwenda Khatoum Sudan, tayari kwa mechi yake ya marudiano na timu ya Al Ahly Shandy  Jumapili hii.
        Mechi ya kwanza baina ya timu hizo ilipigwa Uwanja wa Taifa jijini Dar es Salaam, ambapo Simba iliinyuka Al Ahly Shandy mabao 3-0.
       Mwenyekiti wa Klabu hiyo, Aden Rage alisema jana kwamba Simba inaonbdoka na msafara wa watu 30 wakiwemo wachezaji 20, kwa Shirika la Ndege la Kenya na pia kutakuwa na ndege ya kukodi ambayo kila mmoja atatakiwa kulipa dola 1,000. alisema ndege hiyo itaondoka Jumapili.