AJALI YAUA WATU WATANO MKOANI MBEYA

Watu watano wamefariki dunia na wengine 29 kujeruhiwa katika ajali ya basi la HBS eneo la Maji Mazuri, Mbeya Vijijini.

Basi hilo lilikuwa likitokea Mbeya mjini kuelekea Tabora kupitia Chunya.

Mkuu wa Mkoa wa Mbeya, Amos Makala aliyekuwa kwenye shughuli za kusimamia usafi ameenda kwenda eneo la tukio ili kusaidia uokoaji.

Akizungumza baada ya kutoka eneo la tukio, amesema waliofariki dunia ni wanaume wawili na wanawake wawili na mtoto mdogo, ambao bado majina yao hayajatambuliwa na majeruhi ni 29.

Taarifa za awali inadaiwa ajali hiyo imesababishwa na gari kufeli breki na kisha kugonga gema na kupinduka. Dereva aliruka na kutokomea kusikojulikana.