UFARANSA YAANZA VEMA EURO2016, YAINYUKA ROMANIA 2-1

UFARANSA ikiwa katika kundi A, la michuano ya EURO2016, imeanza vema kampeni yake ya kulitwaa kombe hilo baada ya kuibuka mshindi wa mabao 2-1 dhidi ya Romania katika pambano la ufunguzi la michuano hiyo lililopigwa kwenye uwanja wa Stade De France, huko Saint Denis nchini Ufaransa usiku wa kuamkia leo Juni 11, 2016.

Oliver Girou aliipatia timu yake ya Ufaransa bao la kuongoza, kunako dakika ya 58 kabla ya Bogdan Stancu wa Romania kusawazisha bao hilo ,unako dakika ya 65. Wakati pambano hilo linaelekea ukingoni, katika dakika ya 89, Dimiotri Payet wa Ufaransa  alifunga bao la pili na hivyo kuondoa matumaini ya Romania kwenda sare na wenyeji hao wa michuano ya mwaka huu EURO2016.

 Dimiotri Payet(kulia), akishangilia bao na mwenzake

 Oliver Girou, akishangilia bao lake la kwanza

Bogdan Stancu, akifunga penati

Kikosi cha Romania