MKURUGENZI MKUU WA TAA, SULEIMAN SAID SULEIMAN AFARIKI GHAFLA, AZIKWA JIONI HII JIJINI DAR ES SALAAM

Jeneza lenye mwili wa marehemu Injinia Suleiman, likifikishwa makaburi ya Kisutu jijini Dar es Salaam, leo Januari 18, 2016 tayari kwa amzishi

Marehemu Injinia Suleiman Said Suleiman

NA K-VIS MEDIA/Khalfan Said

MKURUGENZI Mkuu wa Mamlaka ya Viwanja vya Ndege Nchini, TAA, Injini Suleiman Said Suleiman amefariki ghafla mapema leo asubuhi Januari 18, 2016, wakati akifanya mazoezi ya kuogelea kwenye bahari ya Hindi eneo la Magogoni.

Hayati Injinia Suleiman, amezikwa jioni hii kwenye makaburi ya Kisutu jijini Dar es Salaam ambapo maelfu ya wananchi walihudhuria wakiwemo viongozi mbalimbali wa taasisi za

Kwa mujibu wa taarifa za kifo cha injini Suleiman iliyotolewa baada ya mazishi yake, Marehemu alikutwa na umauti wakati akiogelea na ghafla aliishiwa nguvu na kuomba msaada, hata hivyo pamoja na jiyihada za kumuokoa tayari Injinia Suleima alikwishakufa.

Itakumbukwa ya kwamba, marehemu alikuwa ni mwanamichezo mahiri na kuna wakati Fulani alikuwa kiongozi wa Simba na akapewa jina la “Yeltsin” kutokana na msimamo wake mkali katika kutekeleza majukumu yake.

Wachezaji na wapenda soka walifurika kwenye mazishi yake na huzuni ilitawala kila kona kutokana na jinsi marehemu Injinia Said alivyokuwa karibu na watu. Marehemu ameacha mke na watoto watatu.

MUNGU AILAZE ROHO YAKE MAHALA PEMA PEPONI AMIN

Hosam Suleiman Said Suleiman, (kushoto), mtoto wa mwisho wa marehemu akifarijiwa na vijana wenzake

Balozi wa Uholanzi hapa nchini, Jaap Frederiks akijumuika na waombolezaji wengine nyumbani kwa marehemu Upanga jijini Dar es Salaam. Uholanzi ni mdau mkubwa wa viwanja vya ndege hapa nchini

Aliyewahi kuwa Mwenyekiti wa Klabu ya Simba, Mzee Hassan Dalali, akimuelezea marehemu wakati kuhusu mchango wake katika klabu hiyo

Mkurugenzi wa Uwanja wa Ndege wa Kimataifa wa Julius Nyerere, jijini Dar es Salaam, Bw.Injinia Thomas Haule (wakwanza kulia), na waombolezaji wengine wakiwa kwenye makaburi ya Kisutu alikozikwa marehemu

Mfanyakazi wa TAA, akiwa na huzuni wakati wa mkusanyiko wa waombolezaji nyumbani kwa marehemu Upanga jijini Dar es Salaam

Mkurugenzi wa Sheria wa Mamlaka ya Viwanja vya Ndege Tanzania, (TAA), ambaye pia anashughulikia Mahusiano, Bw.Ramadhan Maleta, (katikati), akiwa na huzuni wakati wa mkusanyiko wa waombolezaji nyumbani kwa marehemu

Mwenyekiti wa Bodi ya TAA, Profesa Msambichaka, akitoa salamu za Mamlaka wakati wa mkusanyiko wa waombolezaji nyumbani kwa marehemu Upanga jijini Dar es Salaam

Bw. Maleta, akijadiliana jambo na Afisa Uhusiano Mwandamizi wa TAA, Bw. Godfrey Lutego, (kushoto)

Salamu kutoka TAA

Mkurugenzi wa mradi wa ujenzi wa jengo la tatu la Uwanja wa Ndege wa Kimataifa wa Julius Nyerere TBIII, Mhandisi Mohammed Milanga, (mwenye balaghashia)akiwa na waombolezaji wengine nyumbani kwa marehemu