WATUMISHI SABA WASIMAMISHWA KAZI NA 3 WAKABIDHIWA JESHI LA POLISI-KIGOMA

 Na Magreth Magosso,Kigoma. 

WATUMISHI Saba wa  Halmashauri ya Manispaa ya Kigoma Ujiji Mkoa wa Kigoma ,wamesimamishwa kazi  kwa muda usiojulikana ,huku watumishi watatu wakikabidhiwa  kwa  Jeshi la Polisi la mkoani hapo,kwa uchunguzi wa kina kutokana na  tuhuma za upotevu wa fedha zaidi  ya sh.Milioni 960  ambazo zilitengwa kwa ajili ya shughuli za maendeleo ya wananchi .

Akithibitisha kauli hiyo jana  kigoma Ujjiji, mbele ya Majira Meya wa Manispaa ya Kigoma Ujiji Hussein Ruhava alisema waliosimamishwa ni pamoja na watumishi kutoka idara ya Maji,Manunuzi,fedha  na uhandisi ambao wameipa sintofahamu manispaa katika utekekelzaji wa miradi lengwa katika fedha hizo.

Alisema kwa mujibu wa uchunguzi uliofanywa na mkaguzi wa ndani wa manispaa hiyo na kubarikiwa na baraza la madiwani walibaini kuchakachuliwa kwa fedha hizo ambapo kiasi cha milioni 42 zilitengwa kwa ajili ya elimu kupitia mradi wa EQUIP na kuitaka  serikali kuu hasa ya serikali ya mtaa na uongozi wa mkoa  kuwashughulikia walengwa kwa nia ya kuunga mkono jitihada ya serikali ya Tano katika kuwaadhibu wabadhilifu wa fedha za umma.

Aliyataja majina ya watuhumiwa hao ni pamoja na Christina Nimaiyunzi ambaye kwa sasa amefutwa kazi,Malko Maiko ambaye alikuwa mkuu wa idara ya fedha na kwa sasa ameondolewa katika idara hiyo ,Sultan Ndoliwa ,Fredi Shimba ,Shadrack Baruti na Boniface Wiliam wamesimamishwa kazi kwa ajili ya uchunguzi .

Meya huyo alisisitiza kuwa,Serikali kuu isaidie kumrudisha Kigoma aliyekuwa Mkurugenzi wa hapo Boniface Nyambele ambaye amehamishiwa kazi mkoani mwanza aje ajibu tuhuma dhidi ya upotevu wa fedha hizo sanjari  na aliyekuwa Mganga wa manaispaa John  chacha ambaye aliacha kazi kwa hiari hivi karibuni kwa kuwa ni miongoni wa ubadhilifu wa fedha hizo.

Wakati huohuo Mbunge wa Jimbo la Kigoma Mjini Zitto Kabwe alishangazwa na hujuma zinazofanywa katika mradi wa mtaro wa Lubengela kwa kujengwa kinyume cha makubaliano ya mkataba hasa kutumia malighafi yam awe laini badala yam awe magumu ambayo yanauwezo wa kuhimili dhoruba za mafuriko katika upitishaji wa maji kwa muda mrefu.