.

ASKOFU ATAKA VIONGOZI WA DINI KUENDELEA KUOMBEA AMANI TAIFA BADALA YA KUSHABIKIA WANAOTAKA VURUGU

Apr 25, 2011


Na  Mwandishi  wetu ,Iringa
ASKOFU  Boazi Sollo (pichani) amewataka viongozi  wa  dini kuendelea  kuombea amani Taifa na kumwombea Rais Jakaya  Kikwete  aendelee  kuliongoza vema Taifa badala ya  kushabikia watu  wanaotaka  kuvuruga amani ya Tanzania
       Askofu Sollo ambaye ni mkurugenzi  wa  kituo cha maombi cha Overcomers  mkoani Iringa aliwataka  viongozi  wa madhehebu ya  dini kuepuka  kutumia nyumba za Mungu kuendesha  ibada  zenye  kujenga  chuki  dhidi ya  serikali  ya Rais Jakaya  Kikwete na badala yake  kutumia nyumba za Ibada kuhubiria amani ya Taifa na  kuwaombea  viongozi  wote.

     Akihubiri katika ibada ya Pasaka kwenye  ukumbi  wa IDYDC leo askofu Sollo alisema  kuwa watanzania  wameendelea  kuyumbishwa na kikombe cha babu  wa Loliondo na kuziacha tiba  sahihi ambazo  zilikuwa  zikitolewa katika Hospital na vituo vya afya  na huduma  za maombezi ambazo  zinafanywa na  watumishi wa Mungu.
     Askofu  Solloa alisema kuwa neno la Mungu ni  zaidi ya  kikombe cha babu  wa Loliondo na  kuwa uzima ni  zaidi ya uponyaji hivyo ni vizuri  watanzania  kukimbilia  kutafuta  uzima kuliko uponyaji.
      Hata  hivyo alisema kuwa  wapo  watu ambao wamepokea neno la Mungu hajapata kuugua ugonjwa  wa Maralia kwa  zaidi ya miaka 15 kama yeye  hivyo inadhihirisha ni kiasi gani neno la Mungu  lilivyo na nguvu  kuliko uponyaji  .
    "Watumishi  wa Mungu  wanatoa uzima na uponyaji bila kutumia kikombe kama anavyofanya  babu  wa Loliondo na  kuwa kinachofanwa na babu  huyo ambaye amekuwa akitibu kwa  kisingizio  cha kutumwa na Mungu  huku anakusanya fedha za wagonjwa ni  sawa na kuwadanganya  wagonjwa na kutumia mwavuli wa dini kujipatia fedha...kama kweli ni huduma asinge weka kiwango cha  shilingi 500 kwa wagonjwa angetibu  bure ili mgonjwa  mwenyewe aweze kutoa sadaka bila kupangiwa  kiwango"
    Alisema  kuwa katika kudhihirisha  kuwa neno la Mungu  lina nguvu  kuliko shetani hivi  sasa vifo zaidi  vimeendelea  kuripotiwa  kutoka kwa babu  wa Loliondo hali ambayo serikali kama haitachukua hatua kikombe  hicho kinaweza  kuleta madhara  zaidi kwa jamii .
     Sollo alisema kuwa kwa   upande  wake hawashauri  wagonjwa  kuondoka katika tiba za Hospitali na  kwenda Loliondo  kutumia fedha  nyingi kwa dawa  isiyo na uhakika tofauti na kwenda mapema Hospitali na kutibiwa na wataalam ambao  wamesomea kwa fani  hiyo.
    Alisema ni kumkosea Mungu  kwa kumchanganya  Mungu  na shetani na kuwa hata Bibilia inatamka wazi  kuwa ya Mungu mpe Mungu na ya Kaisali apewa kaisali  hivyo kutibu  kwa mitishamba na maombi ni  sawa na kuchanganya mambo mawili kwa  wakati mmoja.
      Wakati  huo  huo askofu Sollo amewataka  viongozi  wa dini na watanzania  wote  kuendelea  kuliombea Taifa na viongozi wake badala ya  kuendelea  kuwashabikia  wale  wote ambao  wanachochea vurugu ambazo zitasababisha maafa kwa Taifa.
       Alisema  kuwa viongozi  wa dini wanalo jukumu  kubwa la kulinusuru Taifa na machafuko  kwa   kutotumia nyumba za ibada kuwasema vibaya  viongozi  wa nchi kama Rais  na  wengine na badala yake viongozi hao  wanapaswa  kutumia vizuri nyumba  hizo  za ibada  kwa  kuhamasisha amani na upendo  kwa watanzania  wote

0 Comments:

Post a Comment

Toa Maoni kistaarab kwa Hoja kwa faida ya wenzako. au tundikie kupitia nkoromo@gmail.com, simu 0672223269

ª