BAADA YA CHADEMA, CUF NAO SASA WAOMBA MAZUNGUMZO NA RAIS KIKWETE

Baada ya CHADEMA kuomba na kufanikiwa kufanya mazungumzo na Rais Jakaya Kikwete kuhusu mchakato wa Katiba mpya unaoendelea, Chama Cha Civic United Front-CUF nao wameomba kufanya kama wenzao wa upinzani.

         Taarifa iliyotolewa na Ofisi ya Rais, Ikulu, mjini Dar es Salaam, leo, imesema kuwa Ofisi hiyo imepokea barua kutoka CUF wakiomba kukutana na kufanya mazungumzo na Mheshimiwa Rais wa Jamhuri ya Muungano wa Tanzania, Mheshimiwa Jakaya Mrisho Kikwete.

Mheshimiwa Rais amekubali ombi hilo la CUF na ameelekeza maandalizi ya mkutano huo yafanyike mara moja.