POLISI MMOJA NA RAIA WAWILI WAUAWA ULANGA MKOANI MOROGORO, KATIKA VURUGU ZA WAKULIMA NA WAFUGAJI WA KISUKUMA

MKUU WA JESHI LA POLISI NCHINI

MOROGORO, Tanzania
POLISI mmoja na rais wawili wanadaiwa  kufariki dunia  watatu wengine kadhaa kujeruhiwa  kufuatia  vurugu ziulizosababishwa na mgogoro  kati  ya  wakulima  na wafugaji  wa jamii  ya kisukuma  katika  kijiji cha Igwati  tarafa ya Malinyi  wilayani Ulanga  mkoani hapa.

Taarifa  zilizopatikana  kutoka  eneo la  tukio  zimedai  kuwa wakulima  walivamia  kituo cha  polisi  kwa  lengo  la  kushinikiza wenzao watatu  kuachiwa, baada  ya kukamatwa wakituhumiwa kumuua mfugaji  wa jamii  ya  kisukuma hivi  karibu  aliyetambulika  kwajina  la  Matanyi Luchoma (16).

Imedaiwa kuwa wananachi hao baada ya kupata taarifa za kukamatwa kwa wenzao walifika kituo cha polisi ambapo, hawakuwakuta watuhumiwa hao baada ya polisi kuwahamishia kituo kingine na hivyo kuamua kuchoma moto kituo hicho pamoja  na gari la jeshi hilo.

Wananchi  hao  walifanya vurugu kituoni ambapo , yalitokea mapiganokati yao na  askari wa jeshi la polisi, hivyo kumuaa askari mmoja, na askari nao kuwaua wananachi wawili na kujeruhi wengine watatu.
 
Mtandao huu ulimtafuta Kamanda wapolisi mkoa wa Morogoro Faustine Shilogile ili kuthibitisha taarifa hizo ambapo simu zake zilikuwa hazipatikani .
 
Kaimu Kamanda wapolisi John Laswai alidai kuwa RPC yuko eneo la tukio na kukikiri kuwepo  kwa tukio hilo, huku akidai kuwa hana taarifa za  vifo hivyo kikiwemo cha askari huyo, na kumtaka mwandishi kuendelea kuwasiliana na Kamanda wa polisi aliye eneo la tukio .

Chanzo cha mgogoro huwa kinadaiwa kuanza Desemba 13 mwaka huu saa 2 usiku katika kijiji cha Igwati  Malinyi Wilayani Ulanga kundi la wananchi lilimkamata mfugaji huyo mkazi wa Lupeleme na kumpelekakatika ofisi za  kijiji cha Lugawa.

Ilidaiwa kuwa  baada ya kumfikisha kwenye ofisi hizo, mtendaji alimfungia mtuhumiwa ofisini, na kuanza kuhoji sababau ya wananachi kujichukulia shera jambo ambalo halikuwapendeza hivyo kuanza kumshambulia mtendaji huo naye kukimbia na wao kuvunja ofisi na  kumpiga kijana huyo na kusababaisha kifo chake.

Hata hivyo ilidaiwa kuwa chanzo cha mauaji hayo kilisababaishwa na baadhi ya watu wanaodawa kuwa wa wafugaji wa jamii ya kisukuma kuvamianyumbani kwa Mjumbe wakamati ya mazingira Victoria Marietha, kasha kumpiga na kumsababishia majeraha.

Mjumbe huyo alipelekwa haraka katika hospitali ya Lugala, Tarafa ya Malinyi ambapo alifariki dunia wakati akipatiwa matibabu,  na hivyo wakulima hao kuanza kuwasaka wafugaji  wa jamii ya kisukuma.