.

MPASUKO WAENDELEA KUSHUHUDIWA KATIKA JAMII YA MAREKANI BAADA YA UCHAGUZI WA RAIS

Nov 29, 2016

Uchunguzi mpya wa maoni unaonyesha kuwa, zaidi ya asilimia 80 ya Wamarekani wanaamini kuwa, nchi hiyo imekumbwa na mpasuko mkubwa baada ya uchaguzi wa rais uliofanyika hivi karibuni.
Televisheni ya CNN imetangaza kuwa, uchunguzi wa maoni uliofanywa na taasisi ya Auarsy unaonyesha kuwa, asilimia 85 ya raia wa Marekani wanaamini kuwa mpasuko na tofauti juu ya masuala muhimu vimeshadidi zaidi mwaka huu nchini humo ikilinganishwa na miaka iliyopita.
Uchunguzi wa maoni
Utafiti huo unaonyesha kuwa, Wamarekani wengi wanapinga vikali mfumo wa demokrasia inayotawala hivi sasa nchi humo hasa baada ya uchaguzi wa rais uliompa ushindi Donald Trump wa chama cha Republican. Asilimia kubwa ya raia wa Marekani walimpigia kura Hillary Clinton katika uchaguzi wa tarehe 8 Novemba mwaka huu lakini Tume ya Uchaguzi ya nchi hiyo ilimtangaza Trump kuwa mshindi. Hii ni baada ya mgombea huyo wa chama cha Republican kupigiwa kura 290 kati ya 538 za wawakilishi wa majimbo 50 ya nchi hiyo, huku Clinton akipata kura 228 pekee.
Wamarekani wakiandamana kupinga ushindi wa Donald Trump
Matokeo ya uchunguzi huo wa maoni yanaonesha kwamba, idadi kubwa ya raia wa Marekani wanasisitiza udharura wa kufanyiwa marekebisho katiba ya nchi hiyo ili kuruhusu rais achaguliwe na wananchi peke na si vinginevyo.
Wiki iliyopita pia taasisi ya uchunguzi wa maoni ya Gallup ilitoa matokeo mapya ya uchunguzi wa maoni yaliyoonyesha kwamba, raia wengi wa Marekani wanaamini kuwa, mpasuko umezidi kuongezeka nchini humo kuliko kipindi kingine chochote. Wamarekani wengi wanataka kuheshimiwa uamuzi wao na kumtangaza Hillary Clinton kuwa mshindi badala ya Trump.

0 Comments:

Post a Comment

Toa Maoni kistaarab kwa Hoja kwa faida ya wenzako. au tundikie kupitia nkoromo@gmail.com, simu 0672223269

ยช