WANANCHI WA MTAA WA MAMBOLEO B TEMEKE WAIOMBA SERIKALI KUINGILIA KATI SUALA LA JIRANI YAO

Na

ZUHURA MIKIDADI

 Wananchi wa Mtaa wa Mamboleo B,kata ya Temeke wameiomba Serikali kuingilia kati suala la jirani yao  anayedaiwa kutumia cheo cha ndugu yake anayedaiwa kufanya  kazi ngazi za juu Serikalini  kuwanyanyasa jirani zake.

Wakizungumza na Jambo leo Dar es Saalam jana,kwa niaba ya wenzao mmoja wa mkazi wa hapo Kristna Julius alisema anatumia wadhifa wa ndugu yake huyo ili kuwanyanyasa majirani zake.

Kristina alisema alikuwa anadai majirani zake wamezika mtoto mwenye umri wa mwaka(1) pembezoni mwa nyumba yake wakati si kweli.

Mkazi huyo aliendelea kuwa ilikuwa kama mida ya saa saba mchana ndipo alipowaona maaskari wanakuja kwenye eneo lao na yule Mzee akawaonyesha sehemu aliyodai kwamba kuna mtoto amezikwa pembezoni mwa nyumba yake.

"Walipofika waliomba majembe na kuanza kuchimbua lakini hawakukuta kitu na walipomaliza waliacha hivyohivyo wazi na kuondoka",alisema Kristina.

Mkazi mwingine wa mtaa huo Mohamed Bakari  alisema aliona askari wanakuja na kufukua katika shimo,kwakuwa  na  aliwapigia simu askari hao kuwa kuna mtoto amefukiwa.

"Huyu Mzee baada ya askari kumaliza kuchimbua hilo shimo akauchukua mchanga na kusema anaupeleka kwa mkemia mkuu ili ukapimwe kama hauna kitu"alisema Mayao.

Naye,Mwenyekiti wa Serikali ya mtaa huo Zuberi Kabumaye alisema suala la mzee huyo kuwasumbua majirani zake nila muda mrefu,na kwamba alishawahi kusumbua huko nyuma na wakamfungulia kesi.

Mwenyekiti aliendelea  katika kesi hiyo iliyofunguliwa na mmoja wa majirani aitwaye Anderson Mhogole(marehemu) na  ilikuwa kwenye vyombo vya sheria jambo lililomfanya mpaka akahama baada ya jirani huyo kuisimamia kidete lakini  aliposikia tu amefariki alirudi tena.

"Mwaka juzi ndipo aliporudi upya na kuanza kutishia watu maisha  bila sababu ya msingi",alisema Kabumaye.

Alisema katika tukio mojawapo Mzee huyo alimng'ata jirani yake kwa meno,na kumfanya aende kushitaki polisi huku akiwa na vielelezo vyote kutoka kwa daktari lakini mtuhumiwa hajakamatwa  na kesi haifuatiliwi.

Hata hivyo alisema katika tukio la kufukiwa mtoto alipata taarifa kuwa kuna askari wamekuja kufukua shimo la mtoto aliyezikwa hapo kitendo kilichomfanya  Afisa Mtendaji wake aitwaye Regina Gaihwa kuwasili eneo la tukio na kukuta si kweli.

"Askari wakiongozwa na Afande Godluck Lema walichimbua hilo shimo  bila kuwasiliana na Serikali ya mtaa jambo ambalo si sahihi",alisema.

Mwenyekiti huyo alisema baada ya tukio hilo mzee huyo aliwageuzia jirani zake kibao kwa kutoa ripoti polisi na kuwafungulia mashtaka na kufanya majirani zake wapatao kumi wakamatwe na polisi.

Haidha Mwenyekiti huyo alisema alihangaika kuwatoa wananchi hao polisi lakini ilishindikana kutokana na nguvu ya ndugu anayedaiwa wa mzee huyo.

Mwenyekiti huyo alisema alifanikiwa kuwawekea dhamana watu hao kumi kwa kutumia kadi yake ya benki ndipo wakatolewa huku kesi ikitegemewa kusikilizwa  tena katika mahakama ya kisutu tarehe 30 mwezi huu.

Wakati huo huo, Mzee huyo aitwaye Joseph Lyapinda Mzee anayedaiwa kuwanyanyasa jirani zake  alisema majirani zake hawawezi kumfanya chochote kwani ana ndugu yake aliyeko ngazi za juu Serikalini.

"Hakuna anayeweza kunifanya chochote kwani nina watu Serikalini",alisema Mzee huyo.