.

RAIS KENYATTA AWAFUTIA ADHABU YA KIFO KWA WAFUNGWA 2, 747

Oct 24, 2016

Rais Uhuru Kenyatta wa Kenya amebadili hukumu zote za kifo nchini humo na kuzifanya kifungo cha maisha jela.
Hatua hiyo imewaondolea adhabu ya kifo wafungwa 2,747 katika nchi hiyo ambayo haijamyonga mfungwa yeyote aliyehukumiwa kifo kwa kipindi cha miongo mitatu sasa.
Taarifa iliyotolewa na Ikulu ya Nairobi imesema, mbali na kupunguza adhabu ya kifo cha wanaume 2655 na wanawake 92 na kuwa kifungo cha maisha jela, Rais Uhuru Kenyatta pia amesaini hati ya msamaha na kuachiwa huru mahabusu 102 waliokuwa wakihudumia vifungo vya muda mrefu.
Msamaha kama huo hutolewa kwa wafungwa wanaotambuliwa kuwa wamerekebika na kubadilika na wanastahiki kuachiwa huru mapema.
Wafungwa wa kike, Kenya
Kupunguzwa adhabu ya kifo kwa wafungwa wengi kulifanyika mara ya mwisho nchini Kenya mwaka 2009 wakati wa utawala wa rais mtaafu Mwai Kibaki.  
Makundi ya kutetea haki za binadamu yanasema, hukumu ya kifo ilitekelezwa mara ya mwisho nchini Kenya mwaka 1987. Hukumu hiyo hutolewa kwa watu wanaopatikana na hatia za kutenda uhalifu kama ule wa uhaini, mauaji na wizi wa kutumia nguvu.

0 Comments:

Post a Comment

Toa Maoni kistaarab kwa Hoja kwa faida ya wenzako. au tundikie kupitia nkoromo@gmail.com, simu 0672223269

ยช