MAREHEMU BOB MAKANI KUZIKWA JUMATANO SHINYANGA

Marehemu Makani

NAIBU Gavana wa Beki Kuu Tanzania wa zamani ambaye pia ni muasisi wa Chadema, Bob Nyange Makani, aliyefariki dunia juzi usiku mjini Dar es Salaam, atazikwa Jumatano hii mkoani Shinyanga.
       Hasani Makani mdogo wa marehemu, alisema leo nyumbani kwao Kawe, kwamba mazishi yatafanyika katika kijiji cha Ngezi, Jumatano wiki hii.
       Alisema, kabla ya kusafirishwa kwenda Kijiji cha Ngezi, mwili wa Bob Makani ambaye alifahamika pia kwa jina la Mohammed, utaagwa kwanza  nyumbani kwake Mbezi, Kawe na baadaye Karimjee jijini kesho.
         Bob Makani ambaye amewahi kuwa Katibu Mkuu na Mwenyekiti wa Chadema kwa nyakati tofauti, alifariki jana saa 5 usiku, wakati akipelekwa hospitali ya Aga Khan, jijini kutokana na kuugua muda mrefu ugonjwa wa moyo.
       "Kwa kweli alifia njiani, maana tulipomfikisha hospitali ya Aga Khan alikuwa amekwishafariki dunia", alisema mdogo huyo wa marehemu Bob.
      Bob Makani ambaye amefariki akiwa na umri wa miaka 76, ameacha mke, watoto saba na wajukuu wanane.

 Wana Madrassa wakiwa kwenye kisomo nyumbani kwa Bob Makani, Mbezi, Kawe, Dar es Salaam leo

 Nyumbani kwa marehemu Bob Makani

 Baadhi ya waombolezaji nyumbani kwa Bob Makani

 Hassan Makani ambaye ni mdogo wa marehemu Bob Makani akieleza mipango ya mazishi na taratibu nyingine kuhusu msiba huo

Baadhi ya viongozi wa Chadema na ndugu wa Bob Makani wakiwa katika mipango ya kuukabili msiba huo, hadi mazishi. Picha: Daily Nkoromo Blog