.

IRAN NDIO NCHI SALAMA ZAIDI ULIMWENGUNI

Oct 30, 2016

Brigedia Jenerali Salam
Naibu Kamanda wa Jeshi la Walinzi wa Mapinduzi ya Kiislamu ya Iran (SEPAH) amesema kuwa, Iran imesimama kidete na ndiyo nchi yenye amani na usalama zaidi ulimwenguni inapolinganishwa na ukubwa na aina ya vitisho na vikwazo vinavyozikabili nchi mbalimbali za dunia.
Brigedia Jenerali Hussein Salami amebainisha kwamba, Iran hii leo ina nguvu za kukabiliana na vitisho vyote na imesimama kidete katika hilo na kwamba imejiandaa kikamilifu kukabiliana na adui katika kiwango chochote kile.
Naibu Kamanda wa Jeshi la Walinzi wa Mapinduzi ya Kiislamu nchini Iran (SEPAH) amesema kuwa, hii leo anga kwa ajili ya ukoloni katika ardhi za Kiislamu imebanwa zaidi na ardhi hizo zimegeuka na kuwa medani za jihadi za Waislamu.
Brigedia Jenerali Hussein Salami, Naibu wa Kamanda wa Jeshi la SEPAH
Brigedia Salami amebainisha pia kwamba, katika ardhi za Kiislamu ikiwemo Yemen ambayo imesimama kupambana na utawala wa Aal Saud mpaka nchini Bahrain ambako Waislamu wameamka, tayari kumejitokeza mapinduzi na kwamba ardhi hizo hivi sasa si mahala salama tena kwa uistikbari.
Naibu Kamanda wa Jeshi la Walinzi wa Mapinduzi ya Kiislamu nchini Iran (SEPAH) amezungumzia pia matukio ya Iraq na kusema kuwa, wananchi wa nchi hiyo wamefanikiwa kudhibiti hali ya mambo katika medani ya vita na kupambana na magaidi huku Hizbullah ya Lebanon ikiwa fakhari ya ulimwengu wa Kiislamu inaendelea kuutikisa na kuuteteresha utawala haramu wa Israel.

0 Comments:

Post a Comment

Toa Maoni kistaarab kwa Hoja kwa faida ya wenzako. au tundikie kupitia nkoromo@gmail.com, simu 0672223269

ยช