.

IRAN YAFANYA MAZOEZI MAKUBWA YA JESHI LA ANGA

Oct 18, 2016

Jeshi la Anga la Jamhuri ya Kiislamu ya Iran limeanzisha mazoezi makubwa yanayojumuisha ndege aina mbali mbali za kivita katika eneo la Anarak, Isfahan, kati mwa Iran.
Kwa mujibu wa Kanali Masoud Ruzkhush, msemaji wa Mazoezi ya Sita ya Nguvu za Anga za Waliojitolea Kulinda Anga ya Wilayat, luteka hiyo itaendelea kwa muda wa siku tatu kuanzia leo Jumapili na kushirikisha ndege mbali mbali za kivita.
Aidha amesema ndege za kukusanya habari za kijasusi na pia ndege maalumu za kujaza mafuta ya ndege nyingine za kivita  zikiwa angani pia zinashiriki katika mazoezi hayo. Halikadhalika amebaini kuwa, katika mazoezo hayo ni sehemu ndogo tu ya uwezo wa jeshi la anga la Iran utakaoonyeshwa.
Ndege za kivita zikijitayarisha kwa ajili ya mazoezi
Ndege zinazoshiriki zitafanya mazoezi kuhusu kuweka mafuta katika ndege ya kivita ikiwa inaruka ingani inaruka, umahiri wa kulenga shabaha hasa nyakati za kiza totoro cha usiku na pia kufanyia majaribio maroketi ya anga kwa anga na anga kwa ardhi n.k.
Kati ya ndege za kivita zinazoshiriki katika mazoezi hayo ni Sa’eqeh iliyotengenezwa hapa Iran na pia  F-14, Sukhoi Su-24, and MiG-29.
Iran hufanya mazoezi makubwa ya kijeshi mara kwa mara ili kubaini uwezo na utayarifu wa vikosi vya ulinzi wa kuihami nchi. Jamhuri ya Kiislamu ya Iran inasisitiza kuwa, uwezo wake wa kijeshi si tishio kwa nchi yoyote bali sera zake za ulinzi zimejengeka katika msingi wa kujihami na kukabiliana na adui.

0 Comments:

Post a Comment

Toa Maoni kistaarab kwa Hoja kwa faida ya wenzako. au tundikie kupitia nkoromo@gmail.com, simu 0672223269

ยช