.

MSHUKIWA WA NGUVU ZA GIZA AKABIDHIWA KWA MWENYEKITI KIGOMA

Oct 17, 2016

NA MAGRETH MAGOSSO,KIGOMA 
 
MWANAMKE mmoja Ester Mwambene anayekadiriwa kuwa na miaka (50) mkazi wa mbeya amenusurika kupigwa na wananchi wa Mtaa wa Mlole Halmashauri ya Kigoma Ujiji wilaya ya kigoma Mjini, baada ya kuhusishwa na jaribio la mauwaji kwa njia ya nguvu za giza.

Tukio hilo lilijiri saa 2,00 usiku wa 16,0ctoba,2016 wakati  Penina akila chakula cha usiku na mdogo wake nje ya kibaraza chao ghafla alitokea bi mkubwa huyo akiwa ameketi kitini na kumuliza maswali kadhaa kwa dakika tano na alipoanza kuondoka ndipo binti akanguka chini.

Akizungumza na Jamboleo mdogo wa binti huyo Sada Said alisema mama yake penina alimkamata bi mkubwa huyo na kumuliza kulikoni na majirani wakasogea katika tukio wananchi walitaka kupiga mwanamke huyo lakini kwa hekima za mchungaji aliyetambuliwa kwa jina la Meshack alitoa neno la mungu kwa mwanamke aliyeshukiwa kuwa ni mchawi.

Alifafanua kuwa wakati mchungaji huyo akimwombea mwanamke huyo ghafla Penina alianza kutapika damu na uchafu wa madawa katika kinywa chake ndipo raia walianza kumpekua mshukiwa na kumkuta na mchanga,madawa katika moja ya nguo alizovaa hatimaye walizipoka na kuzichoma moto.

Said akiri baada ya maombi mazito nduguye alikuwa akiongea maneno yasiyoeleweka huku mwanamke huyo akidai alitumwa na wachawi wenzake kutoka sumbawanga amchukue binti huyo bila kutoa sababu za msingi na walipomdadisi sana alipoteza mada.

Alipohojiwa Mwenyekiti wa Mtaa huo  Diye Paulo akiri kumpokea mwanamke huyo saa 6.00 za usiku nyumbani kwake na amegundua akiri yake  ina shida  na kuwakabidhi mgambo wakae nae katika genge kubwa la Mkatutu ambalo wanalinda lakini hajui kama alifanya jaribio hilo.

Paulo alifafanua kuwa,mwanamke huyo alitoa maelezo yanayochanganya lakini  leo (jana)amezungumza kwa njia ya simu na kijana wake aliyemtaja kuwa ni Tumaini Kazembe  ambaye ni mtoto wa mwanamke huyo kwa mujibu wake na amekiri kumtumia fedha mwenyekiti huyo ili amsafirishe mkoani sumbawanga.
Gazeti hili lilipojaribu kuzungumza na mshukiwa wa tukio hilo Mwambene alisema mwane amelazwa maweni mwanae amevunjika mguu na alipoulizwa ni mkazi wa wapi alidai anaishi kigoma kijiji cha kalinzi wilaya ya kigoma vijijini.
Gazeti hili lilipewa namba za simu za mmoja wa jamaa wa mwanamke huyo Nathaniel Luka alisema mwanamke huyo ana tatizo la akiri kwani kwa muda amekuwa akipotea katika mikoa ya sumbawanga,mpanda na kigoma kila anapokwenda anatabia ya kupotea  na kukiri kumfuatilia ili wamrudishe mbeya.

Alipoulizwa Kamanda wa Polisi Ferdinand Mtui kuhusu hilo alisema hajui na kuahidi kulifuatilia suala hilo kupitia wakuu wa vitengo husika.mwisho.

0 Comments:

Post a Comment

Toa Maoni kistaarab kwa Hoja kwa faida ya wenzako. au tundikie kupitia nkoromo@gmail.com, simu 0672223269

ª