RC NDAGALA WENYE VIGEZO WAPEWE LESENI NA SHIRIKA LA CIT WAKALA MAOMBI YA NGUVU KWA JPM

Na Magreth Magosso,Kigoma

MKUU wa Wilaya ya Kibondo Kanali Hosea Ndagala ameitaka  Kamati ya ushauri wa watumiaji wa usafiri wa Nchi kavu na Majini(SUMATRA)  Mkoa wa Kigoma isimamie kwa umakini haki za watumiaji wa usafiri wa vyombo vya moto sambamba na utoaji wa leseni kwa madereva  wa usafiri husika.

Kanali Ndagala aliyasema hayo mwishoni mwa wiki katika  kongamano la Klabu za wanafunzi wanaotoa elimu ya usalama barabarani na haki za mtumiaji wa usafiri wa nchi kavu na majin( SUMATRA)uliofanyika kigoma ujiji ,uliolenga kuwakumbusha wajibu  wao kwa jamii namna ya kulinda maslai yao hasa umuhimu wa utunzaji wa tiketi pindi ajali itokeapo.

“nipo hapa kwa niaba ya mgeni rasmi ambaye ni mkuu wa mkoa,endeleeni kusimamia haki za watumiaji kwa kuthibiti utoaji wa leseni kwa watu wasio na sifa za kupewa leseni,na abiria katika usafiri wa aina yeyote adai tiketi  itamsaidia katika kudai haki pindi ajali inapotokea” alisisitiza Mkuu wa wilaya hiyo.

Akisoma risala ya utendaji kazi wa kamati hiyo Mwenyekiti Flora Fundi alisema klabu za wanafunzi ni chachu ya jamii kutambua serikali inajali usalama wa maisha yao katika utumiaji wa usafiri,ambapo kupitia kamati wamefanikiwa kutatua kero  na kusimamia malalamiko mbalimbali ya  watumiaji wa usafiri.

Alisema wanakabiliwa na ukosefu wa jengo la ofisi ambayo ingesaidia kuelekeza wananchi wengi kupeleka kero na malalamiko kwa urahisi na kuomba serikali iwapatie jengo la kufanyia shughuli hiyo,ambayo inapelekea abiria wengi kupoteza haki zao za msingi hasa ajali zinapotokea.

Aidha katika kongamano hilo klabu za wanafunzi hao walijitokeza katika uchangiaji damu wakatihuohuo Mkuu wa Kitengo cha damu salama kigoma Juma Kiangi akiri wananchi wanapenda kuchangia damu,lakini ukosefu wa usafiri wanashindwa kuwafikia wakazi waishio vijijini na nje ya mji.

Mwisho.

Na Magreth Magosso,Kigoma

MWITO umetolewa kwa viongozi wa madhehebu mbalimbali ya dini Nchini ,waongeze maombi kwa Rais John Magufuli  kwa kuwa kitendo cha kubana mianya ya rushwa  kwa mafisadi wa uchumi si cha kubezwa bali yanahitajika maombi ya nguvu ili kuondoa nguvu za giza zitakazoweza kumtoa katika dira ya Serikali ya haki na uwajibikaji.

Mwito huo umetolewa na Mkurugenzi wa Shirika la Compassion Tanzania ( C I T)Agness Hotay alipokuwa akizungumza na JamboLeo Kigoma Ujiji kwenye ziara ya ukaguzi wa miradi ya  ujenzi wa vyoo na majiko ya kisasa yenye thamani zaidi ya fedha mil.700 katika vituo  vya huduma kwa watoto yatima na wenye maisha magumu kwa makanisa washirika ya Kiinjili ya humu, ambapo huwajengea uwezo wa elimu,afya,malazi na chakula.

“kazi ya kupiga vita uovu ndani ya serikali ni ngumu kwa rais wetu,maombi yanahitajika kwa viongozi wa dini kwa kushirikiana na waumini wa kweli rais atashinda tusimwachie mzigo  huu peke yake,rasilimali fedha ina hitaji umakini katika matumizi ya kumpendeza mungu” alisisitiza Hotay.

Aidha aliwakumbusha viongozi wa dini wanapopata fursa ya kuaminiwa katika usimamizi wa rasilimali watu wahakikishe wanatoa elimu sahihi ya kiroho ili itakayomuongoa mwanadamu katika ulimwengu wa roho ya kweli na si kutumia dini kujilimbikizia mali ilihali jamii inanuka kwa ufakiri wa kipato,afya,elimu na chakula.

Aliipongeza serikali ya Magufuli kwa kuwapa fursa makanisa ya kipentekoste 15 ya kigoma na mikoa mingine kwa  kuwahudumia wananchi katika changamoto mbalimbali zinazowakabili hasa katika sekta ya afya,elimu,malazi,chakula na usalama pamoja na kulinda haki za mtoto kwa kuimarisha ulinzi dhidi ya wahalifu wanaowanyanyasa watoto .

Kwa upande wa mwenyekiti wa watenda kazi Cluster ya kigoma (C I T) Robert   Chamungu aliongeza kwa kusema kutokana na mahusiano mema na serikali ya awamu ya tano kupitia makanisa hayo wanatarajia kujenga nyumba 11 kwa watoto yatima wenye uhitaji wa hilo,ikiwa ni sehemu ya kumcha mungu kwa vitendona kusisitiza hawabagui dini ya mtoto wanalenga kulind maslai ya yatima na wenye maisha duni sana.

Mwisho.