.

TAHARUKI NA MIGOMO VYATAWALA KONGO DR

Oct 19, 2016

Hali ya taharuki imetanda katika miji kadhaa ya Jamhuri ya Kidemokrasia ya Kongo hususan mji mkuu Kinshasa, huku wafanyakazi wa sekta mbalimbali wakisusia kazi kufuatia wito wa wapinzani wanaopinga makubaliano ya kisiasa yaliyofikiwa jana Jumanne.
Ofisi nyingi na majengo ya kibiashara yamefungwa mchana kutwa kutokana na taharuki hiyo, huku maafisa usalama wakionekana kushika doria katika pembe mbalimbali za nchi. Taharuki, kimya na barabara tupu zimetawala wilaya za Gombe na Kasa-Vubu huku shughuli za kawaida zikionekana kuendelea katika eneo la Goma, mashariki mwa Kongo DR.
Maandamano ya wapinzani Kinshasa mwezi Septemba
Vyama vya upinzani katika Jamhuri ya Kidemokrasia ya Kongo vimewataka wafanyakazi wote kushirikia mgomo wa kitaifa na maandamano ya nchi nzima kuanzia leo Jumatano, kumshinikiza Rais Kabila wa nchi hiyo aachie ngazi mwishoni mwa muhula wake wa pili unaomalizika mwishoni mwa mwaka huu.
Jean-Marc Kabund-a-Kabund katibu wa chama kikuu cha upinzani cha Umoja kwa Ajili ya Demokrasia na Maendeleo ya Kijamii nchini humo amesema kuwa, chama hicho hakiyatambui makubaliano ya kisiasa yaliyotiwa saini jana baina ya washiriki wa mazungumzo ya kisiasa huko Kinshasa, mji mkuu wa nchi hiyo.
Rais Joseph Kabila wa DRC
Viongozi wa chama tawala nchini Kongo DR wanadai kuwa, matatizo yaliyopo katika mwenendo wa maandalizi, yanafanya kuwa vigumu kuitisha uchaguzi wa rais ndani ya mwaka huu huku wapinzani wa serikali wakimtuhumu Rais Kabila kuwa anakwamisha uchaguzi huo ili aendelee kubaki madarakani.

0 Comments:

Post a Comment

Toa Maoni kistaarab kwa Hoja kwa faida ya wenzako. au tundikie kupitia nkoromo@gmail.com, simu 0672223269

ยช